35 ёшли марказий ҳужумчи Роберт Левандовски январь ойидаги трансфер ойнасида "Барселона"ни тарк этишга яқин турибди.
"Кўк-анорранглилар" раҳбарияти ҳужумчининг жорий мавсумдаги ўйинидан норози ва у бўйича таклифларни кўриб чиқишга тайёр.
Todofichajes журналистларига маълум бўлишича, польякнинг агенти Пини Захави Саудия Aрабистони ва МЛС клублари билан музокаралар олиб бормоқда.
Робертнинг ўзи бу қишда яхши таклиф бўлса, клубини ўзгартиришга тайёр.
Ҳужумчи жорий мавсум Ла Лигада 16 ўйинда 8 та гол урди ва 4 та голли узатмани амалга оширди. Унинг шартномаси 2026 йилнинг ёзида якунига етади.
