Римнинг “Лацио” клуби ноъмалум муддатга ўз сардорини йўқотди – ҳужумчи Чиро Иммобиле яқинда “Эмполи”га қарши ўйинда (2:0) сонидан жароҳат олди. Бу ҳақда “бургутлар” матбуот хизмати расман хабар берди.
Италиялик футболчининг тикланиш вақти ҳали аниқ эмас. Aммо яқин кунларда у иккинчи тиббий кўрикдан ўтади ва эҳтимол у ерда вазият ойдинлашади.
33 ёшли Иммобиле жорий мавсумда “Лацио” сафида барча мусобақаларда 23 та ўйинда майдонга тушиб, 7 та гол урди. Улардан 3 таси Чемпионлар лигасида, 4 таси Италия чемпионатида.
"Лацио" ўзининг навбатдаги расмий ўйинини 2023 йилнинг сўнгги шанба куни ўтказади - унинг рақиби "Олимпико" стадионида "Фрозиноне" бўлади.
