Rimning “Lasio” klubi no’malum muddatga o‘z sardorini yo‘qotdi – hujumchi Chiro Immobile yaqinda “Empoli”ga qarshi o‘yinda (2:0) sonidan jarohat oldi. Bu haqda “burgutlar” matbuot xizmati rasman xabar berdi.
Italiyalik futbolchining tiklanish vaqti hali aniq emas. Ammo yaqin kunlarda u ikkinchi tibbiy ko‘rikdan o‘tadi va ehtimol u yerda vaziyat oydinlashadi.
33 yoshli Immobile joriy mavsumda “Lasio” safida barcha musobaqalarda 23 ta o‘yinda maydonga tushib, 7 ta gol urdi. Ulardan 3 tasi Chempionlar ligasida, 4 tasi Italiya chempionatida.
"Lasio" o‘zining navbatdagi rasmiy o‘yinini 2023 yilning so‘nggi shanba kuni o‘tkazadi - uning raqibi "Olimpiko" stadionida "Frozinone" bo‘ladi.
