"Наполи" ҳужумчиси Виктор Осимхеннинг агенти Роберто Календа ўтган ёзда Италия клубига нигериялик футболчининг трансфери бўйича "даҳшатли таклифлар" тушганини айтди.

Эслатиб ўтамиз, ўтган куни Виктор неаполликлар билан шартномани 2026 йилнинг ёзига қадар узайтирган эди.

Шу билан бирга, нуфузли манбалар шартномада 130 миллион евро товон пули кўзда тутилганини даъво қилмоқда.

“Товон миқдори? Шартнома махфий ҳисобланади. Aгар ёзда таклифлар бўлса, "Наполи" билан гаплашиб, келажакни биргаликда ҳал қиламиз.

Ўтган ёзда биз даҳшатли таклифларни олдик, аммо у "Наполи"ни тарк этишдан бош тортди", - дея тан олди агент.