Италиянинг “Милан” клуби собиқ футболчиси Aлессандро Костакурта “Милан”нинг жорий мавсумдаги муаммолари ҳақида ўз фикри билан ўртоқлашди.

Стефано Пиоли шогирдлари аллақачон Чемпионлар лигасидан чиқиб кетишган, чемпионатда ҳам ишлар яхши кетмаяпти.

Костакуртанинг фикрича, муаммолар босим ва хато қилиш қўрқуви туфайли оғирлашади.

"Милан" учун психологик босимдан халос бўлиш жуда қийин. Баъзида ўйинчиларга қарайман ва улар хато қилишдан жуда қўрқишларини тушунаман.

Бошқа жамоалар бошқача, оддий ритмда ва қўрқувсиз ўйнашади", - дея Костакуртанинг сўзларини келтиради pianetamilan.it.