"Манчестер Юнайтед" қишда ўзининг олдинги чизиғини кучайтириш ниятида трансфер бозорини ўрганмоқда.
Sport1 хабарига кўра, "қизил иблислар"нинг мақсади "Болонья"да ажойиб футбол намойиш этаётган ҳужумчи Жошуа Зиркзее бўлади.
Шу билан бирга, "Бавария" Зиркзени қайтариб сотиб олиш ҳуқуқига эга эканлиги қайд этилган. Бундан ташқари, Мюнхен клуби футболчининг кейинги трансфер нархининг 50 фоизини ўзида сақлаб қолади, шунинг учун Бундеслига гигантлари ҳам пул ишлашлари мумкин.
Эслатиб ўтамиз, 22 ёшли Зиркзеенинг тахминий баҳоси сўнгги пайтларда кескин ошиб, 30 миллион еврога етган. "Манчестер Юнайтед" айни дамда Aнглия чемпионати турнир жадвалида 8-ўринни эгаллаб турибди.
