"Манчестер Юнайтед"нинг собиқ ҳимоячиси, ҳозирда футбол эксперти Гари Невилл Жим Рэтклиффнинг "қизил иблислар"нинг 25% улушини сотиб олгани ҳақида гапирди.
"2023 йил «Манчестер Юнайтед» учун ҳақиқий шармандалик бўлди. Ҳозир сотиб олиш учун энг яхши вақт эмас, лекин мен Рэтклиффга муваффақият тилайман. Умид қиламанки, у клубда тартиб ўрната олади", - дейилади Невиллнинг ижтимоий тармоқлардаги хабарида.
"Манчестер Юнайтед" 2023/2024 йилги мавсумнинг биринчи ярмини ҳалокатли ўтказди. Англия чемпионатининг 18-туридан сўнг “қизил иблислар” 28 очко жамғариб, турнир жадвалида атиги саккизинчи ўринни эгаллаб турибди. Чемпионлар лигасида жамоа плей-оффга чиқа олмади ва квартетда охирги ўринни эгаллади.
