"Реал Мадрид" "Жирона"да ўйнаётган чап қанот ҳимоячиси Мигел Гутьерреснинг ҳаракатларини фаол кузатиб бормоқда. "Marca" хабарига кўра, "Қироллик клуби" тез орада 22 ёшли ҳимоячини сотиб олиши мумкин.
Эслатиб ўтамиз, Мадриднинг “Реал” клуби Гутьерресни 8 миллион еврога сотиб олиш ҳуқуқига эга. "Қироллик клуби" янги чап қанот ҳимоячиси қидирмоқда, чунки раҳбарият ёзда Ферлан Мендини сотишни режалаштирмоқда. Бироқ, “Бавария”дан Альфонсо Дэвис ҳамон устувор номзод сифатида кўрилади.
Гутьеррес Ла Лиганинг ушбу мавсумида битта гол урди ва битта голли узатмани амалга оширди.