Ҳамдўстлик кубоги турнирини кўплаб селекционерлар кузатиб бораётгани ҳеч кимга сир эмас. Жумладан, "Зенит" клубининг селекционер-мураббийи Сергей Ломакин мусобақадаги таассуротлари билан ўртоқлашди.

"Афсуски, мусобақага бўлган қизиқиш пасаймоқда. Ниманидир ўзгартириш керак. Ҳамдўстлик кубогига асосан Осиё ва Болтиқбўйи мамлакатларида қизиқиш юқори. Боиси, уларда бундай манеж ва кучли рақиблар йўқ. Шунга қарамай, мен ёш ўйинчиларни кузатиб боришга ҳаракат қилдим. Россия терма жамоасининг ўйинларини диққат билан кузатдим. Панюков, Обухов яхши таассурот қолдиришди. Бошқа терма жамоаларда ҳам яхши йигитлар бор.

Масалан, Ўзбекистон терма жамоаси марказий ярим ҳимоячиси Жамшид Искандеров. У — пақай, ижодкор, тезкор ва техник жиҳатдан кучли. Қозоғистонлик Исламхан эса миллий терма жамоага жалб қилинган! Шунингдек, беларусларни ҳам таъкидлашим мумкин. "Зенит" аввал Савицкий ва Пушняков билан қизиққанди. Уларнинг кўрсаткичлари ёмон эмас. Кузатишда давом этамиз. Лекин биз бундай футболчиларга дарҳол шартнома таклиф қилмаймиз", дейди мутахассис.