"Альмерия" ярим ҳимоячиси Серхио Аррибас "Байер" сафига қўшилиши мумкин.
Испаниялик футболчини “Альмерия” шу йилнинг август ойида “Реал”дан 6 миллион еврога сотиб олганди. 22 ёшли ҳужумкор ярим ҳимоячи ўзини янги жойда кўрсатишга муваффақ бўлди - унинг ўйини аллақачон "Байер" эътиборини тортди, деб хабар беради Mundo Deportivo. Манба берган хабарга кўра, Аррибасни таклиф қилишга шахсан ўйинчи билан "Реал Мадрид" ёшлар жамоасида бирга ишлаган леверкузенликлар бошқарувчиси Хаби Алонсо қизиқмоқда.
Серхио Аррибас "Альмерия" сафида Ла Лиганинг 18 та учрашувида 5 та гол урди ва битта голли узатмани амалга оширди. "Лос-Бланкос" академияси тарбияланувчисининг нархи Transfermarkt экспертлари томонидан 8 миллион еврога баҳоланган.