"Манчестер Юнайтед" ярим ҳимоячиси Бруну Фернандеш жамоа ҳужумчиси Расмус Хойлунднинг АПЛдаги дебют голи ҳақида фикр билдирди. Скандинавиялик футболчи кеча бўлиб ўтган Бирмингемнинг "Астон Вилла" клубига қарши ўйинда гол урди.
“Хейлунддан бутун жамоа хурсанд. Унинг голи эвазига ғалаба қозонганимиздан хурсандмиз. Бизга бу уч очко жуда керак эди. Расмус иштиёқда, у кўпроқ гол уриши керак. Олдинда уни яна кўп яхши дақиқалар кутиб турибди", - деди португалиялик ярим ҳимоячи.
Англия чемпионатининг 19-тури якунларига кўра, “қизил иблислар” 31 очко жамғариб, турнир жадвалида олтинчи ўринда бормоқда.
