Франциялик ҳужумчи Антуан Гризманн «Атлетико Мадрид» унинг Европадаги сўнгги клуби бўлишини айтди.
«Шартномами? Биламан, клуб уни янгиламоқчи. Буни муҳокама қиламиз. «Атлетико» менинг Европадаги сўнгги клубим бўлади.
Кейин фаолиятимни МЛСда давом эттирмоқчиман», - деди 32 ёшли форвард. Испания чемпионатининг жорий мавсумида Гризманн 18 та ўйин ўтказиб, 11 та гол ва 2 та голли узатмани амалга оширди.
Антуан ва «матрасчилар» ўртасидаги амалдаги меҳнат шартномаси муддати 2026 йилнинг июнь ойи охиригача ҳисобланган. Унинг нархи 20 миллион еврони ташкил қилади.
