Бразилия терма жамоаси бош мураббий қидирмоқда. Todofichajes ёзишича, жанубий америкаликлар дастлаб "Реал" бошқарувчиси Карло Анчелоттини нишонга олишган, аммо эндиликда бошқа юлдуз мутахассис номзодини кўриб чиқишга тайёр.

Беш карра жаҳон чемпионлари “Манчестер Сити” бош мураббийи Пеп Гвардиолага кўз тикишди. 52 ёшли испанияликнинг “шаҳарликлар” билан амалдаги шартномаси 2025 йилнинг июн ойи охирида якунига етади.

Бразилияликлар ЖЧ-2026 саралаш босқичини омадсиз бошлашди. Олти турдан кейин жамоа етти очко жамғариб, турнир жадвалида олтинчи ўринни эгаллаб турибди.