“Штутгарт” ҳужумчиси Серу Гирасси трансфер бозорида талаб катта, дея хабар беради Todofichajes. Журналистларнинг ёзишича, форвард учун Европанинг учта клуби даъвогарлик қилмоқда.

Гирасси хизматларига “Манчестер Юнайтед”, “Боруссия Дортмунд” ва “Нюкасл” клублари қизиқиш билдирмоқда. Юқорида тилга олинган клублардан бирига ўтиш ёзги трансфер ойнаси вақтида амалга оширилиши мумкин.

Бундеслиганинг жорий мавсумида 27 ёшли ҳужумчи 14 та ўйинда майдонга тушиб, 17 та гол урди ва битта голли узатмани амалга оширди. Гирассининг трансфер нархи 40 миллион еврога баҳоланган ва унинг шартномаси 2026 йилнинг ёзида якунига етади.