2023 йилнинг сўнгги ўйинида "Реал" меҳмонда "Aлавес"ни минимал 1:0 ҳисобида мағлуб этди. Карло Aнчелотти шогирдлари якунда ғалаба тўпини киритишди – Лукас Васкес гол урди.
Қизиғи шундаки, 54-дақиқада ҳимоячи Начо тўғридан-тўғри қизил карточка олди. Мусобақа қўмитаси қарор қабул қилди - Начо Ла Лиганинг битта ўйинига дисквалификация қилинди. Бу ҳақда COPE хабар бермоқда.
Эслатиб ўтамиз, "Реал"нинг навбатдаги ўйини 3 январда "Мальорка"га қарши бўлиб ўтади.