"Барселона" Роберт Левандовскининг маошини камайтирмоқчи.
Diario Sport хабарига кўра, "блауграна" форвардни сотиш ҳақида ўйламаяпти, футболчининг ўзи ҳам кетишни истамаяпти. Шу билан бирга, уларнинг шартномасида маошларни босқичма-босқич ошириш кўзда тутилган ва кейинги мавсумда польяк жамоанинг энг кўп маош олувчи футболчиси бўлади.
Молиявий муаммолар туфайли "Барселона" баъзи ўйинчилар билан маошларни қисқартириш бўйича музокаралар олиб боришга умид қилмоқда ва улар орасида Левандовски ҳам бор. Испаниянинг амалдаги чемпиони раҳбарияти ҳужумчидан унинг агенти Пини Захави билан яхши муносабатларидан фойдаланиб, ён беришни сўраши мумкин.
35 ёшли футболчи жорий мавсумда Ла Лиганинг 16 та учрашувида 8 та гол урди.
