Миланнинг "Интер" клуби ёзда ўнг қанот ҳимоячиси Дензел Дюмфрисни сотишни кўриб чиқмоқда.

Tuttosport нашри маълумотларига кўра, "нерадзуррилар" ёзги мавсумда ҳимоянинг ўнг қанотини тўлиқ янгилаши мумкин. Манбанинг хабар беришича, "Интер" Дюмфрис ўрнига "Брюгге" ҳимоячиси Тэйджон Бьюкененни сотиб олмоқчи. Захира ҳимоячиси сифатида мураббий Симоне Индзаги Швейцариянинг "Санкт-Галлен" жамоасида ижара асосида ажойиб мавсум ўтказаётган Маттиа Заноттига ишониши мумкин.

Эслатиб ўтамиз, 27 ёшли Дюмфрис "Интер" билан янги шартнома шартлари бўйича келиша олмаяпти. Футболчининг "нерадзуррилар" билан амалдаги шартномаси 2025 йилнинг ёзида якунига етади.