Уэстон Маккенни италияликларни очиқроқ бўлишга чақирди.
"Менга Италиядаги одамлар ёқади, аммо менталитет жуда ёпиқ, гарчи тўлиқ бўлмаса ҳам.
Кўп нарса анъанага асосланган, бу ажойиб, лекин сиз очиқ фикрли бўлишингиз керак. Мисол учун, мен песто, помидор ва товуқ гўшти қўшилган макаронни истеъмол қиламан ва атрофимдаги ҳамма: "Жирканч! Қўйсангчи!" - дейди.
Муаммо шундаки: ҳамма буни жирканч деб айтади, лекин ўзлари буни ҳеч қачон синаб кўрмаган.
Италияда ҳамма америкаликлар фақат бейсбол, баскетбол ва ҳоказо ўйнайди, деб ўйлайди. Уч ярим йил олдин, бу ерга келганимда, ҳамма менинг кимлигимни сўради: “Америкаликми? У футбол ўйнашни биладими?
Ҳозир Пулишич ва Муса "Милан"да, Тессманн ва Бузио "Венеция"да, Веа "Ювентус"да ўйнашади. Энди ҳамма америкаликлар футбол ўйнашни билишини билади" - деди "Бьянконерилар" ярим ҳимоячиси 19F Podcast билан суҳбатда.
