Роберт Левандовски "Барса"нинг бошқа ўйинчиларидан бир кун олдин таътилдан қайтди.
Далласдаги ўртоқлик учрашувидан сўнг Хави "Барселона"нинг барча футболчиларига бир ҳафталик - жумагача дам берди.
Бироқ Левандовски машғулотларга бир кун аввал қайтишни маъқул кўрди – кеча у “Барселона” базасидаги спорт залида ва майдонда ишлаётгани акс этган суратларни ижтимоий тармоқларга жойлади.
Қайд этилишича, Левандовски чоршанба куни ҳам машғулот ўтказган – у кислород ниқобида югуриш йўлакчасида ишлаётгани акс этган видеони жойлаштирган.
35 ёшли ҳужумчи жорий мавсумда “Барса” сафида 21 та ўйинда майдонга тушиб, 9 та гол урди ва 5 та голли узатмани амалга оширди.
