ФИФA қоидалари Килиан Мбаппега 1 январдан бошлаб "ПСЖ" рухсатисиз хориж клублари билан музокара олиб боришга рухсат беради.
Қолаверса, Мбаппе ушбу клублардан бири билан дастлабки шартнома имзолаш ҳуқуқига эга бўлади. "Реал Мадрид" янги йил бошида форвард билан ёзги трансфер борасида келишувга эришишга ҳаракат қилади.
Шу билан бирга, Мадрид клуби 2022 йилги аччиқ тажрибани ҳисобга олган ҳолда иш олиб боради. Ўшанда Мбаппе ёзда эркин агент сифатида Мадридга ўтадигандек туюлганди, аммо у "ПСЖ" билан шартномасини узайтирди.
Натижада, "қаймоқранглилар" лагердаги баъзилар ўзларини алдангандек ҳис қилишди. The Athletic хабарига кўра, "Реал Мадрид" Мбаппега ультиматум қўяди - форвард январ ойи ўрталарига қадар уларнинг таклифига "ҳа" ёки "йўқ" деб жавоб бериши керак.
Энди "Реал" Мбаппени 2022 йилдагидек сўнгги дақиқагача кутмайди.
