"Ювентус"нинг қишки трансфердаги асосий вазифаларидан бири ярим ҳимояга ўйинчи сотиб олишдир.
Поль Погба ва Николо Фаджолининг допинг ва пул тикиш туфайли дисквалификацияси ярим ҳимояда кадрлар етишмаслигига сабаб бўлди.
The Times нашри хабарига кўра, "Ювентус" "Манчестер Сити"дан Кэлвин Филлипсни қўлга киритиш бўйича музокаралар олиб бормоқда. Сўнгги пайтларда Филиппс кам ўйин ўтказмоқда, шунинг учун жамоани ўзгартириш унга қизиқ бўлиши мумкин.
"Кекса синьора" 28 ёшли Филлипсни мавсумнинг қолган қисмида ижарага олмоқчи. Transfermarkt портали Кэлвин Филлипсни 28 миллион еврога баҳоламоқда.
