"Ал-Аҳли" марказий ҳимоячиси Мерих Демирал "Милан"нинг нишонига айланди.
“Россонерлар” ҳимоя марказида жиддий қийинчиликларни бошдан кечирмоқда: жароҳатлар туфайли Пьер Калулу, Малик Тиав ва Фикайо Томори жамоага ёрдам бера олмайди. Муаммони ҳал қилиш учун клуб январь ойида янги марказий ҳимоячи билан шартнома имзоламоқчи. TMW хабарига кўра, бунгача Италияда "Аталанта", "Ювентус" ва "Сассуоло" клубларида тўп тепган Демирал "Милан"нинг қисқа рўйхатига киритилган. 25 ёшли туркиялик футболчига "Наполи" ҳам қизиқиш билдирмоқда. А Серия гигантлари учун муаммо футболчининг маоши бўлиши мумкин.
Мерих Демирал шу йилнинг август ойида 16,6 миллион евро эвазига "Аталанта"дан "Ал-Аҳли"га ўтган эди. Футболчи Саудия Арабистони чемпионатининг олтита учрашувида битта гол урган.
