"Монако" "Вест Хэм"нинг 27 ёшли марказий ҳимоячиси, аввалроқ "ПСЖ"да ўйнаган Тило Керерега қизиқиш билдирмоқда, деб хабар беради Foot Mercato. Унинг лондонликлар билан шартномаси 2026 йилгача мўлжалланган.
Мавсум бошидан бери Керере Премьер-лига ўйинларида тўрт марта захирадан майдонга тушди ва мусобақада жами 19 дақиқа ўйнади. Шунингдек, Германия терма жамоаси футболчиси (терма жамоа учун 27 та ўйин) Европа лигасининг бешта ўйинида ва Англия Лига кубогининг учта ўйинида иштирок этган.
"Ренн" ва "Ницца" ҳам Керерега шартнома таклифини бериб бўлган. Футболчи учун курашдаги яна бир рақиб – Франкфуртнинг “Айнтрахт” жамоаси. "Аталанта" ҳам маълумот олиш учун Керере билан боғланди.
