Мадриднинг “Реал” клуби ҳимоячиси Давид Алаба “Вильярреал”га қарши Испания Ла Лигасининг 17-тур учрашувида (4:1) олган жароҳати ҳақида фикр билдирди. Футболчига хочсимон боғлами йиртилгани ташхиси қўйилган.
"Нима бўлганини тушунишим учун бироз вақт керак бўлди. Фаолиятим давомида бир қанча қийинчиликларга дуч келдим, лекин бу энг қийини бўлиши мумкин. Мен жамоадошларимга, клубга, оиламга ва бошқа барчага кўрсатган қўллаб-қувватлаганликлари учун миннатдорман”, — деб пост қолдирди Алаба ижтимоий тармоқларидан бирида.
Алаба бу мавсумда "Реал"нинг ўзаро боғламлари ёрилишидан азият чеккан учинчи футболчига айланди. Аввалроқ дарвозабон Тибо Куртуа ва ҳимоячи Эдер Милитао шундай жароҳат олганди.
Австриялик ҳимоячи 2021 йилнинг ёзида "Бавария"дан эркин агент сифатида испан клубига ўтган эди. Жорий мавсумда у "Реал Мадрид" сафида барча мусобақаларда 16 та ўйин ўтказиб, иккита голли узатмани амалга оширди.
