"Ювентус" бош мураббийи Массимилиано Aллегри келаси йилдаги орзулари ҳақида гапирди.
"2024 йилги тилакларим? Ўзингизни яхши ҳис этинг ва завқ билан ишлашда давом этинг", - деди италиялик мутахассис матбуот анжуманида.
56 ёшли Aллегри “Ювентус”ни 2021 йилдан буён бошқариб келмоқда. Турин клуби 17 тур натижасига кўра, 40 очко билан Италия чемпионати турнир жадвалида иккинчи ўринда бормоқда. Aллегрининг жамоа билан тузган меҳнат шартномаси 2025 йилнинг ўрталарига қадар тузилган. 30-декабр, шанба куни “Ювентус” ўз майдонида “Рома”ни қабул қилади. A Сериянинг 18-туридан ўрин олган учрашув 00:45да бошланади.
