"Марсель" ярим ҳимоячиси Аззедин Унаи январь ойида Саудия Арабистонига кўчиб ўтиши мумкин.
23 ёшли футболчи асосий таркиб футболчиси эмас ва "Марсель" марокашлик учун трансфер таклифларини кўриб чиқишга тайёр. Журналист Санти Аунанинг хабар беришича, Саудия Арабистонининг “Ал-Иттиҳод” ва “Аш-Шабаб” клублари Унаини сотиб олишга қизиқиш билдирмоқда, “Ал-Ҳилол”, “Ал-Аҳли” ва “Ал-Дуҳаил” ҳам вазиятни кузатиб бормоқда. Расмий музокараларга ҳали эришилгани йўқ, аммо январь ойида вазият ўзгариши мумкин.
Жорий мавсумда Аззедин Унаи “Марсель” сафида 17 та ўйинда майдонга тушиб, 2 та гол урди. Қатардаги жаҳон чемпионати қаҳрамонларидан бирининг нархи Transfermarkt портали томонидан 12 миллион еврога баҳоланган.
