"Манчестер Сити" ярим ҳимоячиси Родри Эрнандес Чемпионлар лигаси финалида "Интер"га қарши ўйиндаги голини эслади. Учрашув “шаҳарликлар”нинг 1:0 ҳисобидаги минимал ғалабаси билан якунланди.
“Бу гол менинг ҳаётимни ўзгартирди. У мени танланганлар орасига киритди. Ўша пайт мен тарихнинг бир қисмига айландим. Айрим голлар футболчининг карьерасини белгилайди. Бу мен билан содир бўлди, ўзимни жуда бахтли ҳис қиляпман”, - деди ярим ҳимоячи.
Англия Премьер-лигасининг жорий мавсумида 27 ёшли ярим ҳимоячи 16 та ўйинда майдонга тушди. У тўртта гол урди ва иккита голли узатмани амалга оширди.
