"Интер" ярим ҳимоячиси Генрих Мхитарян миланликлар билан шартномани узайтириш ҳақида гапирди.
Aрманистон терма жамоаси футболчиси жуда хурсанд эканлигини, чунки “Интер” сўнгги 1,5 йил ичида унга кўп нарса берганини ва у билан яна бир нечта совринларни қўлга киритишга умид қилаётганини таъкидлади. "Мен яхшиланишда давом этаман ва тўхташ ниятим йўқ. Ҳар куни ўрганиш, машғулот ўтказиш ва жамоадошлар билан ўйнаш ёқимли", - дея Мхитаряннинг сўзларидан иқтибос келтиради миланликлар матбуот хизмати.
Эслатиб ўтамиз, 34 ёшли футболчининг "Интер" билан янги шартномаси 2026 йилнинг ёзига қадар мўлжалланган.
Жорий мавсумда Мхитарян барча турнирларда 24та ўйинда қатнашиб, икки гол урди ва жамоадошларига бешта голли узатма ёздириб қўйган.
