Лондоннинг “Aрсенал” клуби ярим ҳимоячиси Томас Парти Гана терма жамоаси сафида Aфрика Миллатлар Кубогида ўйнамайди, бу ҳақда инсайдер Фабрицио Романо ижтимоий тармоқда маълум қилди.
Манбанинг қайд этишича, футболчи Лондонда қолади ва тиззасидан олган жароҳатидан тикланишни давом эттиради.
Жорий мавсумда 30 ёшли футболчи барча турнирларда бор-йўғи бешта ўйинда иштирок этди ва бирорта ҳам самарали ҳаракатни амалга ошира олмади.
Эслатиб ўтамиз, Aфрика миллатлар кубоги 13 январ куни бошланади. Охирги турнирда плей-оффга чиқа олмаган Гана термаси билан гуруҳда Кабо-Верде, Миср ва Мозамбик термалари ўйнайди.
