Уейн Руни "Бирмингем"дан истеъфога чиқарилганидан кейин баёнот берди. Ёш мураббий клуб раҳбарларига ишлаш имконияти учун миннатдорчилик билдирди, бироқ айни пайтда вақти етарли эмаслигини ҳам такидлади.
“Футбол натижаларга асосланган бизнес ва мен улар мен хоҳлаган даражада эмаслигини тан оламан. Бироқ, вақт мураббийга керак бўлган энг қимматли манбадир. Ўзгариш учун 13 ҳафта етарли вақт эканлигига ишонмайман", - деди Руни.
Уейн Руни бошчилигида "Бирмингем" 15та ўйин ўтказган. Уларда жамоа тўртта дуранг ва тўққизта мағлубият билан бор-йўғи иккита ғалабани нишонлади.
