«Брюгге» клуби ҳужумчиси Тэйжон Бьюкенен тез орада «Интер»нинг янги футболчисига айланади.
Бу ҳақда журналист Фабрицио Романо хабар бермоқда. Манбага кўра, 24 ёшли футболчининг трансфери миланликлар учун етти миллион еврога тушади.
Қайд этилишича, турли бонуслар ҳисобига бу миқдор ўн миллионгача ошиши мумкин. Aввалроқ, "Интер" канадалик ҳужумчи билан шахсий шартноманинг барча шартларини келишиб олгани ҳақида хабар берилганди.
Жорий мавсумда Бьюкенен барча турнирларни ҳисобга олган ҳолда 20 та ўйинда майдонга тушиб, учта гол урди ва тўртта голли узатмани амалга оширди.
