"Ювентус" ва Италия терма жамоасининг собиқ ҳужумчиси Фабрицио Раванелли Массимилиано Аллегри жамоаси унинг кутганидан ҳам юқори ўйин кўрсатаётганини тан олди.
18 турдан сўнг, "бьянконерилар" А Серия турнир жадвалида "Интер"дан икки очко ортда қолган ҳолда иккинчи ўринни эгаллаб турибди.
"Тўғрисини айтсам, бу мавсумда Скудетто учун асосий давогарлар қаторида "Ювентус"ни кўриш мен учун ҳайратланарли. Буни ҳатто Аллегри ҳам башорат қила олмасди. Менимча, бу зўр мураббийлик кўрсаткичидир, бу айниқса яқинда "Рома" билан ўйинда яққол кўзга ташланди", - дея Раванелли сўзларини келтиради Tuttojuvs.
Кейинги тур учрашувида “Ювентус” сафарда “Салернитана”га қарши майдонга тушади.
Учрашув 7 январь куни бўлиб ўтади.
