"Yuventus" va Italiya terma jamoasining sobiq hujumchisi Fabrisio Ravanelli Massimiliano Allegri jamoasi uning kutganidan ham yuqori o‘yin ko‘rsatayotganini tan oldi.

18 turdan so‘ng, "byankonerilar" A Seriya turnir jadvalida "Inter"dan ikki ochko ortda qolgan holda ikkinchi o‘rinni egallab turibdi.

"To‘g‘risini aytsam, bu mavsumda Skudetto uchun asosiy davogarlar qatorida "Yuventus"ni ko‘rish men uchun hayratlanarli. Buni hatto Allegri ham bashorat qila olmasdi. Menimcha, bu zo‘r murabbiylik ko‘rsatkichidir, bu ayniqsa yaqinda "Roma" bilan o‘yinda yaqqol ko‘zga tashlandi", - deya Ravanelli so‘zlarini keltiradi Tuttojuvs.

Keyingi tur uchrashuvida “Yuventus” safarda “Salernitana”ga qarshi maydonga tushadi.

Uchrashuv 7 yanvar kuni bo‘lib o‘tadi.