Лондоннинг “Тоттенхэм” клуби “Женоа” марказий ҳимоячиси Раду Драгушинни 23 миллион еврога баҳолади. Анге Постекоглоу жамоаси бу суммани тўлашга тайёр, бироқ италян клуби руминиялик учун 30 миллион евро олмоқчи.
Бу ҳақда журналист Фабрицио Романо ижтимоий тармоқларда хабар бермоқда. Манбанинг қўшимча қилишича, томонлар келишувга эришиш учун тез орада ўзаро музокараларнинг янги босқичини ўтказишади.
Қайд этилишича, “Тоттенхэм” устози Анге Постекоглоу ҳамон 21 ёшли Драгушинни ҳимоя марказини кучайтиришни асосий мақсад деб билади.
