Германиянинг "Айнтрахт" ва "Вольфсбург" клублари франциялик "ПСЖ" ҳужумчиси Уго Экитикени сотиб олиш имкониятини кўриб чиқмоқда. Бу ҳақда журналист Фабрис Хокинс ижтимоий тармоғида хабар берди.
Манбага кўра, "Айнтрахт" футболчини 2023 йилнинг ёзидан буён кузатиб келмоқда. Қолаверса, футболчига Англиянинг “Вулверхэмптон” клуби қизиқиш билдирган. Қайд этилишича, энг яхши вариант сотиб олиш ҳуқуқи билан ижарага олиш бўлиб кўринмоқда.
Эслатиб ўтамиз, аввалроқ Санкт-Петербургнинг “Зенит” клуби Европадаги трансфер ойнасининг сўнгги кунларида Уго Экитика учун 40 миллион евро таклиф қилгани ҳақида хабар берилган эди. Парижликлар раҳбарияти 21 ёшли ҳужумчини клубда олиб қолишга қарор қилди.
Уго Экитике Франция чемпионатининг жорий мавсумида атиги битта ўйин ўтказди. Ўтган мавсумда у "ПСЖ" сафида барча турнирларда 32 ўйин ўтказиб, 4 гол ва 4 голга ассистентлик қилган.
