Англия Премьер-лигасининг 20-туридан ўрин олган "Вест Хэм" ҳамда "Брайтон" жамоалари ўртасидаги учрашув якунига етди. Жамоалар Лондондаги "Олимпия" стадионида ўйнашди. Якуний натижа 0:0. Шу тариқа, "Вест Хэм"нинг 101 ўйиндан иборат ўз майдонида голсиз дуранг ўйнамаган серияси узилди. Бу ҳақда Opta Sports портали хабар берди.
Аввалроқ "Вест Хэм" 2018 йил сентябрида "Челси" билан Англия Премьер-лигаси ўйинида ўз майдонида 0:0 ҳисобида дуранг ўйнаганди.
"Вест Хэм" Англия Премьер-лигаси турнир жадвалида олтинчи ўринни эгаллаб турибди. Жамоа 20 учрашувда 34 очко жамғарган. “Брайтон” 31 очко билан еттинчи ўринда бормоқда. “Ливерпул” пешқадам (45).