Angliya Premyer-ligasining 20-turidan o‘rin olgan "Vest Xem" hamda "Brayton" jamoalari o‘rtasidagi uchrashuv yakuniga yetdi. Jamoalar Londondagi "Olimpiya" stadionida o‘ynashdi. Yakuniy natija 0:0. Shu tariqa, "Vest Xem"ning 101 o‘yindan iborat o‘z maydonida golsiz durang o‘ynamagan seriyasi uzildi. Bu haqda Opta Sports portali xabar berdi.
Avvalroq "Vest Xem" 2018 yil sentyabrida "Chelsi" bilan Angliya Premyer-ligasi o‘yinida o‘z maydonida 0:0 hisobida durang o‘ynagandi.
"Vest Xem" Angliya Premyer-ligasi turnir jadvalida oltinchi o‘rinni egallab turibdi. Jamoa 20 uchrashuvda 34 ochko jamg‘argan. “Brayton” 31 ochko bilan yettinchi o‘rinda bormoqda. “Liverpul” peshqadam (45).