"Брайтон" бош мураббийи Роберто Де Зерби ярим ҳимоячи Жеймс Милнер ҳақида фикр билдирди. Англия чемпионатининг 20-туридан ўрин олган "Вест Хэм"га қарши ўйин (0:0) Милнер учун АПЛдаги 632-учрашувига айланди. Бу кўрсаткич бўйича у иккинчи ўринни эгаллади.

"У биз учун жуда фойдали. Биз уни жамоамизда борлигидан фахрланамиз. У яхшиланмоқда, чунки жисмоний ҳолатида у бир хил шиддат ва куч билан 90 дақиқа ўйнай олади. Жадвалда юқорироқ ўрин учун курашиш мақсадимизга эришишимиз учун у бизга керак", - деди Де Зерби BBC билан суҳбатда.

Жеймс Милнер АПЛдаги ўйинлари сони бўйича "Манчестер Юнайтед" афсонаси Райан Гиггзни ортда қолдирди. Бу кўрсаткич бўйича пешқадам "Манчестер Сити"нинг собиқ футболчиси Гарет Барри бўлиб, у 653та ўйинга эга.