"Brayton" bosh murabbiyi Roberto De Zerbi yarim himoyachi Jeyms Milner haqida fikr bildirdi. Angliya chempionatining 20-turidan o‘rin olgan "Vest Xem"ga qarshi o‘yin (0:0) Milner uchun APLdagi 632-uchrashuviga aylandi. Bu ko‘rsatkich bo‘yicha u ikkinchi o‘rinni egalladi.
"U biz uchun juda foydali. Biz uni jamoamizda borligidan faxrlanamiz. U yaxshilanmoqda, chunki jismoniy holatida u bir xil shiddat va kuch bilan 90 daqiqa o‘ynay oladi. Jadvalda yuqoriroq o‘rin uchun kurashish maqsadimizga erishishimiz uchun u bizga kerak", - dedi De Zerbi BBC bilan suhbatda.
Jeyms Milner APLdagi o‘yinlari soni bo‘yicha "Manchester Yunayted" afsonasi Rayan Giggzni ortda qoldirdi. Bu ko‘rsatkich bo‘yicha peshqadam "Manchester Siti"ning sobiq futbolchisi Garet Barri bo‘lib, u 653ta o‘yinga ega.