"Манчестер Сити" ярим ҳимоячиси Кэлвин Филлипснинг "Ньюкасл"га ижара асосида ўтиши "шаҳарликлар"нинг талаблари туфайли барбод бўлиши мумкин. Бу ҳақда talkSPORT нашри хабар берди.
Манбага кўра, "Манчестер Сити" ижара тўлови сифатида тахминан 5,8 миллион евро олишни кутмоқда, шунингдек, футболчини сотиб олиш вариантини ҳам ўз ичига олади.
Олдинроқ "Ньюкасл" раҳбарияти 28 ёшли футболчини қўлга киритиш учун даъвогарлар кўплиги сабабли музокараларни тезлаштиргани хабар қилинганди. Англиялик футболчининг хизматларига "Ювентус", "Эвертон" ва "Кристал Пэлас" клублари қизиқиш билдирмоқда.
Кэлвин Филлипс Англия Премьер-лигасида жорий мавсумда тўртта ўйин ўтказди. Футболчининг амалдаги клуби билан шартномаси 2028 йилнинг июнь ойи охиригача амал қилади. Transfermarkt порталига кўра, футболчининг тахминий нархи 28 миллион еврони ташкил қилади.
