"Барселона" ўзининг расмий сайтида ҳимоячи Маркос Алонсонинг ҳолати ҳақида маълумот эълон қилди. Клубнинг хабар беришича, 33 ёшли футболчи Бордода муваффақиятли операция қилинган. Алонсо белидаги муаммолар туфайли жарроҳлик амалиётига муҳтож эди.
Пресс-релизда Маркос Алонсонинг тикланиш муддати кўрсатилмаган. Аввалроқ матбуотда футболчи икки ойга яқин майдонга туша олмаслиги ҳақида хабарлар тарқалган эди.
2023/2024-йилги мавсумда Алонсо "Барселона"нинг еттита учрашувида иштирок этди. Уларда ҳимоячи самарали ҳаракатлари билан кўзга ташланмади.
"Барселона" ҳозирда Ла Лига турнир жадвалида тўртинчи ўринда бормоқда.
