Англия Премьер-лигасининг расмий сайти декабрь ойининг энг яхши футболчиси совринига номзодлар номини эълон қилди.
Соврин учун "Челси" ва "Тоттенхэм"нинг ҳужумкор футболчилари Сон Хин Мин ва Коул Палмер, "Ливерпуль" ҳимоячиси Трент Александр-Арнольд, "Борнмут" футболчилари Доминик Соланке ва Маркос Сенеси, "Кристал Пэлас" ва "Вест Хэм" ярим ҳимоячилари Майкл Олисе ва Муҳаммад Кудус ҳамда “Вулверхэмптон" футболчиси Матеус Кунья даъвогарлик қилмоқда.
Овоз бериш 8 январь, душанба кунигача давом этади. Мухлислар овози бир гуруҳ футбол мутахассисларининг фикрлари билан бирлаштирилади. Ғолиб келаси ҳафта эълон қилинади. 2023 йилнинг ноябрида "Манчестер Юнайтед" марказий ҳимоячиси Гарри Магуайр АПЛда ойнинг энг яхши футболчиси, "қизил иблислар" устози Эрик тен Хаг эса энг яхши мураббий деб топилди.
Эслатиб ўтамиз, 2023 йил охирида Коул Палмер жорий мавсумда урилган голлар бўйича “Челси”нинг вақтинчалик етакчисига айланганди. Ёш инглиз бу кўрсаткич бўйича ҳужумчи Николас Жексонни ортда қолдирди.
