Angliya Premyer-ligasining rasmiy sayti dekabr oyining eng yaxshi futbolchisi sovriniga nomzodlar nomini e’lon qildi.
Sovrin uchun "Chelsi" va "Tottenxem"ning hujumkor futbolchilari Son Xin Min va Koul Palmer, "Liverpul" himoyachisi Trent Aleksandr-Arnold, "Bornmut" futbolchilari Dominik Solanke va Markos Senesi, "Kristal Pelas" va "Vest Xem" yarim himoyachilari Maykl Olise va Muhammad Kudus hamda “Vulverxempton" futbolchisi Mateus Kunya da’vogarlik qilmoqda.
Ovoz berish 8 yanvar, dushanba kunigacha davom etadi. Muxlislar ovozi bir guruh futbol mutaxassislarining fikrlari bilan birlashtiriladi. G‘olib kelasi hafta e’lon qilinadi. 2023 yilning noyabrida "Manchester Yunayted" markaziy himoyachisi Garri Maguayr APLda oyning eng yaxshi futbolchisi, "qizil iblislar" ustozi Erik ten Xag esa eng yaxshi murabbiy deb topildi.
Eslatib o‘tamiz, 2023 yil oxirida Koul Palmer joriy mavsumda urilgan gollar bo‘yicha “Chelsi”ning vaqtinchalik yetakchisiga aylangandi. Yosh ingliz bu ko‘rsatkich bo‘yicha hujumchi Nikolas Jeksonni ortda qoldirdi.
