"Манчестер Сити"нинг сўнгги йиллар ички чемпионатдаги доминантлиги ҳеч кимга сир эмас. Аммо улар доим ҳам Янги Йил арафасида турнир жадвалида юқори ўринларда бора олмаган. Масалан, улар 7 та чемпионлик мавсумининг фақат иккитасида декабрь охирида етакчи эди.
Қуйида ҳозирги "Арсенал" каби Рождествода етакчилик қилиб, майда чемпионликни нишонлай олмаганлар ҳақида гаплашамиз.
"Арсенал" (2022/23)
Тўпчилар ўтган мавсумда ҳаммани ҳайрон қолдира олди. Улар энг ёш жамоа бўла туриб, узоқ вақт етакчиликни бермай келганди. Аммо февралдан бошлаб ҳаммаси ўзгарди. "Манчестер Сити" "Арсенал"ни икки бор мағлуб этиб, етакчиликни ўз қўлига олди ва якунда чемпионликни қўлга киритди. "Арсенал" эса 35 турга қадар жадвал етакчиси эди.
"Ливерпуль" (2020/21)
Клопп жамоаси 14 та турдан кейин 2020 йил охирида етакчи эди. Ўшанда "МЮ" мерсисайдликларга чемпионлик пойгаси таклиф этади. Рождествода мавсум чемпионлари бўлмиш "Манчестер Сити" 8 очкога ортда қолаётган эди. Аммо жароҳатлар вазиятни ўзгартирди. Майга қадар "шаҳарликлар" 12 очколик фарқ билан чемпион бўлган бўлса, "МЮ" иккинчи ўринни эгаллади. "Ливерпуль" эса аммалаб учинчи ўринда қолди.
"Ливерпуль" (2018/19)
Гарчанд Янги Йилга қадар "Ливерпуль" яққол етакчилик қилган бўлса ҳам, бу нарса Гвардиоланинг мавсум охиридаги "йиртқич" жамоасига ҳеч нима бўлмади. "Манчестер Сити" сўнгги 14 та турда фақат ғалаба қозонди. Бу эса "кўклар"нинг 98 очко жамғаришини таъминлади. "Ливерпул" эса 97 очко билан иккинчи ўринда қолди. Шунга қарамай, ўша мавсумда мерсисайдликлар ЕЧЛ финалида зафар қучади.
"Ливерпуль" (2013/14)
"Ливерпуль" АПЛ тарихида энг кўп марта мавсум охирида титулни бой бериб қўйган клуб саналади. Афсуски, муҳим паллаларда бу клуб ўзини тиклаб ола билмайди. Мавсум якунланишига бир неча ҳафта қолганида, Стивен Жеррард ҳимояда хато қилади. "Челси" эса ғалаба қозонган. Бу нарса яна "Манчестер Сити" зафарини таъминлайди.
"Ливерпуль" (2008/09)
"Ливерпуль" мавсумни Рафаэль Бенитес қўл-остида кучли бошлайди. Янги йил кириши билан инқироз бошланади. Кетма-кет дуранглар "МЮ"га қўл келади. Гарчанд "МЮ" ўз уйида 4-1 ҳисобида таслим этилган бўлсада, 38 тур натижалари борасида Сер Алекс Фергюсон жамоасининг қўли баланд келди. Федерико Мачеданинг "Астон Вилла" дарвозасига киритган голи чемпионликни таъмин этади.
"Арсенал" (2007/08)
2007 йилнинг қишида "Арсенал" етакчи эди. Аммо "МЮ" "Ливерпул"га қилган ишини "Арсенал" билан ҳам бир мавсум олдин такрорлайди. Афсуски, Арсен Венгер жамоаси мавсум охирига қадар 87 очко билан учинчи ўринга тушиб кетади. Чемпионлик пойгаси эса "Челси" ва "МЮ" ўртасида кечди.
"МЮ" (2003/04)
2000 йиллар охирида кучга кирган бўлса ҳам, 2000 йиллар бошида "МЮ" "Арсенал" ва "Челси"га имкониятни бой берган. 2003 йилнинг охирида АПЛ етакчиси "қизил иблислар" эди. Аммо янги йилда 6 та мағлубият ва 4 та дуранг ҳаммасини ўзгартирди. "Арсенал" эса, ҳали ҳеч ким такрорлай олмаган ўша афсонавий енгилмас мавсумни амалга оширди. 2004 йилнинг майида "Арсенал" охирги марта Англия чемпиони бўлади.
ИСМАТОВ Ж.
