"Бенфика" "Сантос" ҳужумчиси Маркос Леонардони сотиб олганини эълон қилди.
20 ёшли бразилиялик Португалия клуби билан 2029 йилнинг июнь ойи охиригача шартнома имзолади. Transfermarkt.com портали хабарига кўра, трансфер суммаси 18 миллион еврони ташкил қилган.
Маркос Леонардо - "Сантос" тарбияланувчиси. Форвард бутун фаолияти давомида жамоа сафида 168 та ўйинда майдонга тушиб, 54 та гол урди ва 11 та голли узатмани амалга оширди.