“Жирона” Европанинг бошқа клублари қизиқиш билдираётган украиналик форвард Артём Довбикнинг ўрнини босувчи футболчи қидиришни бошлаб юборди.
El Gol Digital хабарига кўра, клуб "Барселона"нинг 18 ёшли ҳужумчиси Марк Гиу билан шартнома имзолашни кўриб чиқмоқда.
Тез орада "Жирона" испаниялик билан шартнома имзолаш бўйича музокараларни бошлаши кутилмоқда. Менежмент даражасида клублар ўртасида яхши муносабатлар мавжуд ва бу ижобий таъсир кўрсатиши мумкин.
Дастлабки маълумотларга кўра, Довбик учун "Атлетико", "Интер", "Челси", "Тоттенхэм" ва АПЛнинг бошқа жамоалари даъвогарлик қилмоқда. Унинг трансфери ФИФА қоидаларига кўра ёзгача амалга оширилмайди.
Жорий мавсумда Гиу "Барса"да дебют қилди.
