Фернандо Диниз Бразилия терма жамоаси бош мураббийлигидан озод этилди.

Globo Esporte хабарига кўра, Диниз бугун ишдан бўшатилди. Бу Бразилия футбол конфедерацияси президенти Эднальдо Родригеснинг қарори.

Диниз билан суҳбатдан олдин Родригес "Флуминенсе" президенти Марио Биттенкуртга ўз қарори ҳақида маълум қилган - Фернандо ҳозирда ушбу клуб билан ишлайди. Шундан сўнг Эдналдо Диниз билан боғланиб, истеъфоси ҳақида маълум қилди.

Диниз бошчилигида Бразилия терма жамоаси ЖЧ-2026 саралашида 6 та ўйин ўтказди: Боливия ва Перу устидан қозонилган ғалаба, Венесуэла билан дуранг, шунингдек, Уругвай, Колумбия ва Аргентинага қарши мағлубият.