"Бавария" ҳужумчиси Харри Кейн "Тоттенхэм" марказий ҳимоячиси Эрик Дайернинг Мюнхен клубига ўтишига шахсий қизиқиш билдирмоқда.
Бу ҳақда Х (собиқ Твиттер) ижтимоий тармоғида Bayern & Germany хабар берди.
Манбага кўра, англиялик ҳужумчи немис клуби раҳбариятига, шунингдек, шахсан мюнхенликлар жамоаси бош мураббийи Томас Тухелга 29 ёшли ҳимоячининг кучли томонларини қайд этган. Уни сотиб олиш мақсадга мувофиқлигига ишонтирган.
Таъкидланишича, Кейн Дайернинг "Бавария"га ўтишидан манфаатдор, чунки улар "Тоттенхэм"да узоқ йиллар бирга ўйнашган ва яхши дўстлардир.
Эслатиб ўтамиз, аввалроқ ОAВда Мюнхен клуби Дайер билан шахсий шартнома шартлари бўйича келишиб олгани, шу боис ҳимоячи тез орада "Бавария" сафига қўшилиши мумкинлиги ҳақида хабарлар тарқалган эди.