Aнглиянинг "Тоттенхэм" ва Германиянинг "РБ Лейпциг" клублари "буқалар" ҳужумчиси Тимо Вернерни Лондон клубига олти ойлик ижарага бериш бўйича фаол музокаралар олиб бормоқда.
Бу ҳақда журналист Филипп Хайнс Х (собиқ Твиттер) ижтимоий тармоғида хабар берди.
Манбанинг хабарига кўра, клублар ушбу шартномага доир бир қатор масалалар бўйича келишувга эришган, бироқ томонлар яқин кунларда ишлаб чиқиши мумкин бўлган айрим ньюанслар мавжуд.
Эслатиб ўтамиз, аввалроқ ОAВда Вернерга "Манчестер Юнайтед" ҳам қизиқаётгани ҳақида хабарлар тарқалган эди.
