Мадриднинг “Реал” клуби дарвозабони Тибо Куртуа майдонга қайтди.
Эслатиб ўтамиз, бельгиялик дарвозабон мавсумолди йиғинида жиддий жароҳат олганди - хочсимон боғламлари йиртилган эди.
6-январь, шанба куни 31 ёшли Куртуа ўзининг ижтимоий тармоқдаги саҳифасида машғулотдаги видеони жойлаштирди.
BeFootball қайд этганидек, дарвозабон тикланиши учун муддатидан олдинроқ тайёр бўлади. Куртуа ёзда Германияда бўлиб ўтадиган Европа чемпионатини ўтказиб юбориши аввалроқ хабар қилинганди.
"Реал Мадрид"нинг Ла Лигадаги навбатдаги ўйини 21 январь куни бўлиб ўтади - рақиб "Aлмерия" бўлади. Ўйин Тошкент вақти билан 20:15 да бошланиши режалаштирилган.
